İran İsrailin iki hərbi bazasına zərbələr endirdiyini bəyan edib.
EDnews xəbər verir ki, bu barədə “Qafqazinfo” “Al Alam” telekanalına istinadən məlumat yayıb.
Məlumata əsasən, İslam İnqilabı Keşikçiləri Korpusunun — SEPAH-ın bəyanatında İsrailin cənubunda yerləşən Nevatim hərbi hava bazasının, həmçinin Təl-Əviv yaxınlığındakı Tel-Nof hərbi hava bazasının hücuma məruz qaldığı bildirilib.
İran tərəfi zərbələrin İsrailin son hərəkətlərinə cavab olaraq endirildiyini qeyd edib.
SEPAH bəyan edib ki, bütün cəbhələrdə əməliyyatlar aparmağa hazırdır və qarşı tərəfin istənilən addımına cavab variantları hazırlanıb.







