Yük həcmi artırılan Bakı-Tbilisi-Qars dəmir yolunda genişləndirmə işləri başa çatırılır. Beynəlxalq ticarətdə dəmir yolunun modernləşdirilməsinin hansı əhəmiyyəti var. 

Yolun genişləndirilməsindən sonra Azərbaycan hansı ixracat nəqliyyatı üstünlüyü qazanacaq?

Məsələ ilə bağlı Ednews-a danışan iqtisadçı-ekspert Eyyub Kərimli bildirib ki, Bakı-Tbilisi-Qars dəmir yolu xəttindən başqa yol nəqliyyat sistemləri də yaradılacaq:

“Ümumiyyətlə, nəqliyat xəttinin və infrastrukturunun Azərbaycan üçün çox böyük iqtisadi əhəmiyyəti var. Yük daşınmalarının və istehlak imkanlarının genişlənməsinə təsir göstərən yeniliklər nəqliyyat ölkənin transit və logistika səviyyəsinənin inkişaf etməsinə də təsir edir. Azərbaycanın çox önəmli nəqliyyat mərkəzinə çevrilmək imkanları var. Coğrafi mövqeyinə görə bir çox nəqliyyat xarakterli layihələrə ev sahibliyi edən Azərbaycan Orta Dəhliz, Şərq-Qərb və Şimal-Cənub istiqamətlərinin nəqliyyat imknalarından istifadə edir. Buna görə də, düşünürəm ki, bundan sonra da ölkədə bir çox yeni ticarət yolları yaradılacaq”.

Ekspert bildirib ki, bu layihə ilə Azərbaycanda qeyri-neft sektoru da inkişaf edəcək və sahibkarlar bu dəmir yolu xəttindən qazanc əldə edə biləcəklər:

“Bu baxımdan bu dəmir yolunun genişləndirilməsi Avropaya göndərilən ixrac məhsullarının həcminin artırılmasına kömək edəcək. Dəmir yolu genişləndikdən sonra əlbəttə ki, həmin istiqamətdə yeni yük daşınması işlərinə start verilə bilər. Logistika sahəsinin inkişaf etməsi də əslində ölkədə qeyri-neft sahələrinin inkişafıına təsir edəcək. Əgər bu yol modernləşdirilib aktiv hala gəlsə, Çindən Avropaya məhsul daşınması qat-qat arta bilər. 
Bununla da həm də ölkədə yeni iş yerləri yaradılacaq. Ölkəyə yüklərin daha məhsuldar sayda ixrac və idxal edilməsi xarici valyutanın da Azərbaycana daxil olmasına gətirib çıxaracaq. Azərbaycanın yerli sahibkarları bu dəmir xətti yolundan istifadə edərək qazanc əldə edə bilərlər”.

Fərid