ABŞ-nin vitse-prezidenti Ceyms Devid Vens bildirib ki, prezident Donald Tramp hələ onunla 2028-ci il ABŞ seçkilərində prezidentliyə namizəd olmaq ehtimalını müzakirə etməyib.
EDnews xəbər verir ki, o bu barədə "CBS News"a danışıb.
"Şübhəsiz ki, Amerika Birləşmiş Ştatları Prezidenti mənim verdiyim hər hansı bir son qərarı tam dəstəkləyəcək, amma biz hələ bunun nə olacağını müzakirə etməmişik", - deyə o əlavə edib.
Tramp əvvəllər dəfələrlə Vens və Dövlət Katibi Marko Rubionu prezidentliyindən sonra ölkəyə rəhbərlik etmək üçün ideal namizəd hesab etdiyini bildirmiş və onların tandeminin 2028-ci il seçkilərində məğlubedilməz olacağına əminliyini bildirmişdi. Lakin ABŞ prezidenti onların hər biri üçün hansı vəzifələri nəzərdə tutduğunu dəqiqləşdirməyib.
