İndiki halda Qərbin Ermənistanı silahlandırmaqda məqsədi nədir. Cənubi Qafqazda geosiyasi vəziyyəti yeni hərbi eskalasiya ilə dəyişmək kimlərin marağına xidmət edir?

Mövzu ilə bağlı Ednews-a açıqlamasında politoloq Fikrət Sadıqov bildirdi ki, qərbin, xüsusilə də Fransanın əsas məqsədi Rusiyanı kənarlaşdırmaq və bu regionda Azərbaycanı və Türkiyəni neytrallaşdırmaq məqsədi daşıyır:

“Onlar Ermənistanı silahlandırır, təzyiq göstərir, həm siyasi, həm də hərbi-texniki müstəvidə. Bu da yeni münaqişə alovlanmasının başlanmasına istamətlənib. Belə şəraitdə onlar hesab edir ki, təzyiqləri daha problemsiz həyata keçiriləcək. Onlar Ermənistana təzyiqini və ora öz mövqelərini daha da möhkəmlənməsidir. Öz məqsədlərinə gəlib çata bilərlər. Əvvəla Rusiyanı Ermənistandan kənarlaşdırmaq çox problemli və çətin məsələdir. Digər tərəfdən onlar başa düşməlidir ki, Türkiyə, Rusiya və Azərbaycan tandemi regionda kifayət qədər güclü bir qüvvəyə çevirlib. Bizim üçün qərbin, xüsusilə Fransanın Ermənistanda möhkəmlənməsi o qədər də narahat etmir”.

F.Sadıqov qeyd etdi ki, bu yolda Azərbaycanın təcrübəsi kifayət qədər zəngindir:

“Sadəcə olaraq qərblə Rusiya qarışdurması daha da güclənə bilər. Və qarşıdurma acı nəticələrə gətirib çıxarda bilər. Azərbaycanla Türkiyənin daha da qüdrətli olması artıq reallıqdır. Biz bütün səylərimizi bu istiqamətdə həyata keçirəcəyik. Bütün addımlar bu məsələ ətrafında cəmləşəcək. Çünki bizim əsas məqsədimiz burada təhlükəsizliyin və stabilliyin bərpasıdır. Əlimizdən gələni etməliyik ki, Fransanın məkrli planları həyata keçməsin”.

Oğuz