İranın Azərbaycandakı yeni səfiri müəyyənləşib.
EDnews xəbər verir ki, bu barədə İran Xarici İşlər Nazirliyinin rəsmi nümayəndəsi İsmayıl Bəqai mətbuat konfransı zamanı məlumat verib.
“İranın Azərbaycandakı səfiri seçilib və təqdim olunub. O, Avrasiya üzrə ixtisaslaşmış, çox təcrübəli və tanınmış bir diplomatdır”, – deyə İran XİN sözçüsü bildirib.
Yeni təyinatın adı hələlik açıqlanmasa da, qeyd olunur ki, diplomat artıq rəsmi şəkildə Bakıya təqdim edilib və etimadnaməsini təqdim etməsi üçün hazırlıq işləri aparılır.
Xatırladaq ki, İranın əvvəlki səfiri Seyid Abbas Musəvinin səlahiyyət müddəti 2024-cü ilin may ayında başa çatıb. O, Azərbaycan-İran münasibətlərinin çətin dövrlərindən birində fəaliyyət göstərərək bir sıra diplomatik təşəbbüslərə imza atmışdı.
Yeni səfirin təyin edilməsi iki ölkə arasında münasibətlərin normallaşması və əməkdaşlığın genişlənməsi baxımından mühüm addım kimi qiymətləndirilir.
Fatimə Şükürova // EDnews
