Argentina Danimarkadan artıq 24 ədəd F-16 qırıcısı almağa dair müqavilə imzalayıb.

Ednews sanayigazetesi.com-a istinadən xəbər verir ki, Danimarka F-16 donanmasını Amerikanın Lockheed Martin şirkəti tərəfindən istehsal edilən yeni F-35 təyyarələri ilə əvəz edir. Argentinanın müdafiə naziri Luis Petri və onun danimarkalı həmkarı Troels Lund Poulsen martın 26-da Buenos-Ayresdə satışla bağlı niyyət məktubu imzalayıblar. Tədbirdə ABŞ-ın Argentinadakı səfiri Mark Stenli də iştirak edib. Lund Poulsen verdiyi açıqlamada, "Danimarka Ukraynaya 19 F-16 təyyarəsi bağışlayır və hökumət Argentinaya 24 Danimarka F-16 təyyarəsi satmaq qərarına gəldi" dedi və əməliyyatı "mümkün satış" adlandırdı.

Onlar həmçinin bildiriblər ki, banklar və Birləşmiş Ştatlar təkcə təyyarələri deyil, həm də ABŞ biznesləri tərəfindən istehsal olunan silah sistemləri və digər avadanlıqları əhatə edən sövdələşmənin maliyyələşdirilməsinə kömək etmək üçün kreditlər verəcəklər . Danimarka da simulyatorlar və ehtiyat hissələri təmin etməyə hazırlaşır.

Argentinanın o vaxtkı prezident Alberto Fernandezin rəhbərlik etdiyi əvvəlki hökuməti dövründə başlayan saziş üzrə danışıqlarda yeni inşa edilmiş Çin/Pakistan istehsalı JF-17 döyüş təyyarələrinin tədarükü də nəzərdən keçirilib. JF-17-nin potensial alqı-satqısı ABŞ ordusu ilə münasibətlərə xələl gətirə biləcəyi ilə bağlı narahatlıqlara görə rədd edildi.

Xəyal Ramiz