“Azərbaycanla Türkiyə arasında təbii qaz və neft razılaşmaları yeni deyil. Təbii ki, Rusiya-Ukrayna savaşından sonra Moskvanın Avropa ilə münasibətlərinin gərginləşməsi Türkmən, Azərbaycan və İran qazının Türkiyə üzərindən Qərb bazarına çıxarılması özəlliklə ön plana çıxardılıb.” 

Bu fikirləri Ednews-a açıqlaması zamanı türkiyəLİ iqtisadçı ekspert Kerem Karabulut deyib. 

Ekspertin sözlərinə görə, Rusiya-Ukrayna müharibəsi Türkiyə və Azərbaycanın energetika sahəsindəki rolunu ön plana çıxardıb:

“Təbii ki, Türkmənistan qazının Azərbaycana, daha sonra isə Türkiyə vasitəsilə Avropaya göndərilməsi uzun zamandır üzərində düşünülən bir layihədir. Əgər bu layihə uzun müddət davam edərsə, həm Azərbaycan, həm də Türkiyə qazanclı çıxacaq.

Lakin, nəzərə almaq lazımdır ki, Rusiya ilə Qərbin arası hər nə qədər pis olsa da, Qərb, özəlliklə Avropa Rusiya qazına möhtacdır. Buna baxmayaraq, Rusiyanın bu layihələrə mane olacağını düşünmürəm, çünki özü də bu yeni enerji xəttlərindən qazanc əldə edə biləcək. 

Bu çərçivədə özəlliklə Ermənistan vasitəsi ilə Zəngəzur dəhlizinin açılması vacib amilə çevrilir. Zəngəzur dəhlizindən istifadə edərək bəlkə də, Bakı-Tbilisi-Ceyhan, Bakı-Tbilisi-Ərzurum və ya TANAP kimi yeni layihələr yaradıla bilər. Belə bir layihə həm Türkiyə və Azərbaycanın enerji yollarında rolunu artıra və daha sərfəli, enerji mübadiləsi yarada bilər. Daha təhlükəsiz Zəngəzur dəhlizi bu kimi layihələrin gerçəkləşməsinə təkan verə bilər.”

Fərid Axund