Azərbaycan Nar İstehsalçıları və İxracatçıları Assosiasiyası Fəxri Üzvlük institutunu təsis edib | Eurasia Diary - ednews.net

17 Noyabr,


Azərbaycan Nar İstehsalçıları və İxracatçıları Assosiasiyası Fəxri Üzvlük institutunu təsis edib

Siyasət A- A A+

10.10.2019-cu il tarixində Azərbaycan Nar İstehsalçıları və İxracatçıları Assosiasiyasının təsis edilməsinin 3 illiyinə və Assosiasiyaya fəxri üzvlərin qəbul edilməsinə həsr edilmiş tədbir təşkil edilmişdir. 

Eurasia Diary xəbər verir ki, tədbirin açılışında assosiasiyanın sədri Fərhad Qaraşov tədbir iştirakçılarına ANİİA-nın yarandığı gündən bu günə kimi fəaliyyəti, həyata keçirdiyi təlimlər, sosial-mədəni tədbirlər haqqında məlumat verdi.

Daha sonra ANİİA-nın inkişafında mühüm rol oynamış, assosiasiyanın fəaliyyətinin genişlənməsində zəhməti olan şəxslərə (20 nəfər) Təşəkkürnamə təqdim edilmiş, Azərbaycan narının dünya miqyasında tanınmasına köməklik göstərən, incəsənət və ictimai fəaliyyət sahələrində nar mədəniyyətini təbliğ edən şəxslər və təşkilatlar (25 nəfər) Assosiasiyanın fəxri üzvlüyünə qəbul edilmişdir.Bundan sonra narçılığın inkişafında səmərəli fəaliyyət aparmış, kənd təsərrüfatının bu sahəsinə qayğı göstərmiş, ANİİA-nın qarşısında duran vəzifələrin həyata keçirilməsində təşəbbüslə çıxış etmiş  şəxlərə (4 nəfər) “Azərbaycan narı" döş nişanı ilə təltif edildi.

Tədbirdə dövlət qulluqçuları, iş adamları, ictimai fəallar, jurnalistlər, elm və mədəniyyət xadimləri iştirak etdilər. Rəsmi və bədii hissədən ibarət olan təqdimatın sonunda tədbir iştirakçılarına ziyafət verilmişdir. (Baku.ws)
 

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...