Britaniyalı deputatların hökumətə etdiyi çağırışda İngiltərə Silahlı Qüvvələrində işini tərk edənlərin işə götürülənlərdən daha çox olduğu və ordunun artan təhlükələrlə üzləşə bilməsi üçün bu pis çevrənin qırılması lazım olduğu barədə xəbərdarlıq edilib. Böyük Britaniyadakı millət vəkilləri xəbərdarlıq etdilər ki, "Birləşmiş Krallıq Silahlı Qüvvələri personal və avadanlıq çatışmazlıqları tez bir zamanda aradan qaldırılmasa, yüksək intensivlikli müharibəyə hazır olmayacaq".

Ednews tr.euronews-a istinadən xəbər verir ki, ordunu tərk edən personala toxunan İcmalar Palatasının Müdafiə Komitəsi, onların işə qəbul edilmiş kadrlardan daha sürətli getdiklərini bildirib və hökumətə bu insanlara təklifin "təkmilləşdirilməsini" tövsiyə edib. 

Bəyanatda vurğulanıb ki, Böyük Britaniya günü-gündən çətinləşən təhdidlərlə üzləşə bilməsi üçün bu pis dairənin qırılması lazımdır. 

Ukraynanın işğalından sonra Sanders “Rusiyadan gələn təhlükə”nin altını çizdi və digər Avropa ölkələrinin “xalqını müharibəyə hazırlamaq” üçün atdığı addımlara işarə etdi.

O, həmçinin silahlı qüvvələrin təchiz edilməsi və modernləşdirilməsi istiqamətində gələcək addımların atılmasına çağırıb. 

Ser Patrick 2010-cu ildə peşəkar rütbələrin sayının 100 min civarında olduğunu, hazırda isə 73 minə düşdüyünü, ordunun daha böyük olmasına ehtiyac olduğunu qeyd edib. 

Xəyal Ramiz