Şuşada keçirilən Türk Dövlətləri Təşkilatı zamanı Azərbaycan Respublikasının prezidenti İlham Əliyev XXI əsri türk yüzilliyi elan edib. Bu görüş, bir çox baxımdan türk dünyasında əsası qoyulacaq olan siyasi-iqtisadi əlaqələrin təməlini qoya bilər.
Türk dövlətlərinin hər gün daha da yaxınlaşması və onların bir təşkilat kimi bir arada fəaliyyətinin hansı əməhiyyəti var?
Mövzu ilə bağlı Ednews-a açıqlma verən türkiyəli iqtisadçı-ekspert Kerem Karabulut bildirib ki, qütbləşən dünyada bu təşkilatın yaradılması olduqca məqsədəuyğundur:
“Türk Dövlətləri Təşkilatının Şuşada keçirilən toplantısında cənab prezident İlham Əliyevin XXI yüzilliyi Türk əsri adlandırması çox yerində bir qərar idi. Çünki, dünya fərqli iqtisadi və coğrafi biliklər, idealoji qruplaşmalar şəklində çox qütblü hala çevrilmək prosesindədir.
Yaşanan bu hadisələr zamanı Türkiyə və Azərbaycanın yarada biləcəyi Türk Dünyası Təşkilatı həm dünya, həm də bu dövlətlər üçün faydalı olacaq. Çünki, çoxsaylı türk milləti ilə savaşları deyil, sülhü və iqtisadi inkişafı hədəf alıb. Bu təşkilat dünyadakı münaqişələrin sonlandırılmasına yardım edəcək. Türkiyə və Azərbaycan başlanğıcı Şuşa bəyannaməsi ilə etdilər. İndi isə, bütün türk dövlətləri bunun kimi bir razılaşma əldə edə bilər.”
Fərid
