Almaniya kansleri Fridrix Merts dövlət vəzifəlilərinin böhtan və təhqirlərdən qorunmasının vacibliyini vurğulayıb.
EDnews xəbər verir ki, kansler şəxsi təhqirlərin onu narahat etmədiyini, lakin dövlət vəzifəlilərinin nüfuzunun qorunmasının əhəmiyyət daşıdığını bildirib.
“Mənə kimsə axmaq deyə bilər, bu onun öz işidir. Amma dövlət vəzifəlilərini böhtanlardan qorumalıyıq. Dövlət vəzifəliləri ləkələndiyi anda əyləncə bitir”, - deyə Merts qeyd edib.
Onun sözlərinə görə, cəmiyyət böhtan xarakterli hücumlarla mübarizə aparmağı bacarmalıdır, çünki bu cür hallar artıq ifadə azadlığı çərçivəsindən kənara çıxır.
Qeyd edək ki, Fridrix Merts barəsində 2021-ci ildən etibarən internetdə yayılan təhqiramiz şərhlərlə bağlı çoxsaylı cinayət işləri qaldırılıb. Kansler bildirib ki, bu ittihamlar prokurorluq orqanları tərəfindən irəli sürülüb.
Xatırladaq ki, Almaniyada son dövrlərdə bəzi sosial media istifadəçiləri böhtan xarakterli paylaşımlara görə cərimələniblər.
