Filippində baş verən güclü zəlzələ nəticəsində ölənlərin sayı 32-yə çatıb.
EDnews xəbər verir ki, bu barədə Mülki Müdafiə İdarəsinin nümayəndəsi Juni Kastilyo məlumat verib.
***
Filippinin cənubunda güclü zəlzələ baş verib.
EDnews xəbər verir ki, ilkin məlumatlarda zəlzələnin maqnitudası 8,2 kimi göstərilsə də, ABŞ Geoloji Xidməti və Filippin Seysmologiya İnstitutu təkanların gücünü 7,8 bal olaraq açıqlayıb.
Zəlzələ Mindanao adası yaxınlığında qeydə alınıb. Yeraltı təkanlar nəticəsində bir sıra binaların dağıldığı, elektrik və rabitə xətlərində problemlərin yarandığı bildirilir.
Hadisədən sonra Filippin, İndoneziya və regionun bəzi sahil əraziləri üçün sunami xəbərdarlığı edilib. Yerli hakimiyyət orqanları sahilyanı ərazilərdə yaşayan sakinləri təhlükəsiz yerlərə təxliyə etməyə çağırıb.
Son məlumatlara görə, zəlzələ nəticəsində azı bir neçə nəfər həlak olub, yüzlərlə insan xəsarət alıb. Dağıntıların miqyası ilə bağlı araşdırmalar davam edir.
11:08
Filippinin cənubunda 7,8 maqnitudalı zəlzələ nəticəsində ən azı 12 nəfər həlak olub.
EDnews xəbər verir ki, bu barədə "Associated Press" məlumat yayıb.
Bildirilib ki, əsasən zədələnmiş binalarda 200-dən çox insan yaralanıb, yaxınlıqdakı sahillər boyunca isə 1 metr hündürlüyündə sunami meydana gəlib.
