İsrailin xarici işlər naziri Gideon Saar Ermənistanla Azərbaycan arasında dayanıqlı sülhün Cənubi Qafqazda sabitliyin möhkəmlənməsinə və əməkdaşlığın inkişafına töhfə verəcəyini bildirib.
EDnews xəbər verir ki, İsrailin xarici işlər naziri Gideon Saar bu barədə Ermənistan Baş naziri Nikol Paşinyanın partiyasının seçkilərdə qələbəsini şərh edərkən “X” hesabında yazıb.
Saar bildirib ki, Paşinyan Ermənistanı sülh yoluna yönəldib və Azərbaycanla barışıq prosesinə gətirib çıxarıb.
Onun sözlərinə görə, Ermənistanla Azərbaycan arasında dayanıqlı sülh Cənubi Qafqazda regional sabitliyin möhkəmlənməsinə, həmçinin əməkdaşlığın inkişafına töhfə verəcək.
Qeyd edək ki, son məlumata əsasən, Ermənistan parlamentindəki 105 yerdən Nikol Paşinyanın “Mülki Müqavilə” partiyası 64 mandat əldə edib.
Samvel Karapetyanın “Güclü Ermənistan” partiyası 29, Robert Köçəryanın “Ermənistan” bloku isə 12 mandat qazanıb.
.png)
.png)
