Türkiyə prezidenti Ərdoğan Misirə rəsmi səfərə gedib. 

Qeyd edək ki, Türkiyə liderinin səfəri 11 illik fasilədən sonra baş tutub. Ərdoğan və Sisi 2013-cü ildən sonra pozulan ikitərəfli münasibətləri bərpa etmək və inkişaf etdirmək üçün görüşüblər.

Məsələ ilə bağlı Ednew-a danışan misirli siyasi ekspert Əli Əl Hufi bildirib ki, səfər Iki ölkə arasında strateji müttəfiqliyin və əməkdaşlığın yeni mərhələsidir. O, həmçinin qeyd edib ki, bu gələcəkdə bir sıra siyasi məsələlərdə əməkdaşlığın da əsasını təşkil edəcək.

“Səfər Türkiyə və Misir arasında keçmiş də olan fikir ayrılıqlarına son qoyacaq. Həmçinin Qəzzada gedən müharibə olmaqla regionda olan problemləri həll etmək üçün müxtəlif addımlar atılacaq.

Qahirədə baş tutan həmçinin təhlükəsizlik, hərbi, siyasi və iqtisadi  məsələlər o cümlədən Yaxın Şərq, Liviya, Sudan, Suriya və İraqda olan gərginliyi  müzakirə predmeti olub”.

Ekspert qeyd edib ki, birgə əməkdaşlığa gəldikdə Misir və Türkiyə  müştərək istehsalın və türk pilotsuz təyyarələrinin Misirə satışını da müzakirə edilib.

“Bunun müqabilində Türkiyə Misirin tank istehsal texnologiyasından və  digər hərbi sənayelərdən faydalana bilər. Son illərdə hər iki ölkə arasında olan iqtisadi yüsəkliyə görə, Misir və Türkiyə arasında ticarət mübadiləsi, 2022-ci ildə 7,7 milyard dollara yüksəlib. Qeyd edim ki, 2021-ci ildə isə bu rəqəm 6,7 milyard dollar təşkil edib. Burada 14% artım müşahidə edilib. Digər tərəfdən Misir və Türkiyə regionun gələcəyi və yeni Yaxın Şərqin formalaşmasına töhfə verə bilər”.

Loğman Yunis