BAMF-ın Himayəçilik Şurasının növbəti iclası keçirildi

BAMF-ın Himayəçilik Şurasının növbəti iclası keçirildi - FOTOLAR

Cəmiyyət

18:19 16.06.2026

BAMF-ın Himayəçilik Şurasının növbəti iclası keçirildi <span class="text-danger">- FOTOLAR</span>

Oxunma sayı: 90

İyunun 16-da Beynəlxalq Avrasiya Mətbuat Fondunun (BAMF) Himayəçilik Şurasının növbəti iclası keçirilib.

EDnews xəbər verir ki, Himayəçilik Şurasının sədri Çingiz Abdullayev, şura üzvləri Rəşad Məcid, Əflatun Amaşov, Vaqif Bəhmənli və BAMF-ın prezidenti Umud Mirzəyevin iştirakı ilə keçirilən iclasda Fondun cari fəaliyyəti, həyata keçirilən layihələr, beynəlxalq tədbirlərdə iştirakı və institusional inkişaf istiqamətləri müzakirə olunub. Himayəçilik Şurasının üzvü, Qətərin paytaxtı Dohada çalışan Aysəba Umutlu isə iclasa onlayn qoşulub.

İclasda ilk olaraq 2026-cı ilin may ayında Azərbaycanda keçirilən 13-cü Ümumdünya Şəhər Forumu - WUF13 çərçivəsində BAMF tərəfindən təşkil olunmuş “Minalarla çirklənmiş ərazilərdə şəhərsalma problemləri” və “Sirkulyar və yaşıl iqtisadiyyata keçid: dayanıqlı şəhərsalma çağırışları və imkanları” adlı tədbirlər Himayəçilik Şurasının üzvləri tərəfindən yüksək qiymətləndirilib.

Daha sonra Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Qarabağ Dirçəliş Fondunun birgə elan etdiyi “Mina və partlamamış hərbi sursatlar probleminə dair təşəbbüslər” qrant müsabiqəsi çərçivəsində BAMF tərəfindən həyata keçirilməsi nəzərdə tutulan “Mina və partlayıcı sursatların təhlükəsinə qarşı mübarizəyə dəstək” layihəsi müzakirə olunub. Himayəçilik Şurası layihənin icrasına başlanılmasını məqsədəuyğun hesab edib.

İclas zamanı BAMF nümayəndə heyətinin 27-28 iyun 2026-cı il tarixlərində Banqladeşdə keçiriləcək Sosial Biznes Forumunda iştirakı məsələsinə də baxılıb. Forumun BAMF-ın beynəlxalq əlaqələrinin genişləndirilməsi, yeni tərəfdaşlıqların qurulması və Fondun sosial biznes sahəsindəki təşəbbüslərinin beynəlxalq platformada təqdim edilməsi baxımından əhəmiyyəti vurğulanıb.

BAMF əməkdaşlarının institusional və peşəkar bacarıqlarının artırılması istiqamətində görülən işlər də iclasın müzakirə mövzularından olub. Müzakirələr nəticəsində Fondun institusional inkişafı üzrə bir sıra sənədlər, o cümlədən, “İnstitusional Dəstək Vəsaitinin İstifadəsi üzrə Çərçivə Sənədi” Şura üzvləri tərəfindən təsdiqlənib.

Peşəkar təlimçi və beynəlxalq ekspert Sahib Məmmədov tərəfindən əməkdaşlar üçün “Tədbirlərin hazırlanması, təşkili və keçirilməsi üçün təlimat” və SƏTƏM mövzularında keçirilmiş təlimlər də yüksək qiymətləndirilib.

Müzakirələrin sonunda gündəlikdə olan məsələlər üzrə müvafiq qərarlar qəbul edilib, BAMF rəhbərliyinə və aidiyyəti struktur bölmələrə nəzərdə tutulan tədbirlərin həyata keçirilməsi ilə bağlı tapşırıqlar verilib.