.jpg)
Gürcüstanda keçirilən Parlament Seçkilərindən sonra yaşanan gərginlik beynəlxalq arenaya da siraət edib. Belə ki, Almaniya, Kanada, Estoniya, İrlandiya, İtaliya, Latviya, Litva, Polşa, İsveç və Ukrayna hökumətləri Gürcüstanda keçirilən parlament seçkiləri ilə bağlı bəyanat yayıblar.
EDnews xəbər verir ki, adçəkilən ölkələr birgə bəyanatla çıxış edərək Gürcüstandakı seçkiləri tanımadıqlarını açıqlayıblar.
Xatırladaq ki, Gürcüstanda 26 oktyabrda keçirilən parlament seçkilərində hakim Gürcü Arzusu Partiyası 54,2% səslə qalib gəlib.
Qeyd edək ki, Gürcüstan Prezidenti Salome Zurabişvili parlament seçkilərinin nəticələrini tanımaqdan imtina edib və səslərin total şəkildə saxtalaşdırıldığını bəyan edib.
Prezidentlə bərabər müxalifət də seçkinin nəticələrini tanımadığını elan edib. Ölkənin sabiq prezidenti Mixail Saakaşvili də tərəfdarlarını etiraza səsləyib.
