5 Noyabr Tarixində ABŞ-ın milyonlarla vətəndaşı Ağ sarayı 4 illik sahibini seçəcək. Bütün dünyanın maraqla izləyəcəyi seçkilərə az qalıb. Bəs bu seçkilərdə kim qalib gələcək- ABŞ-ın ilk qadın prezidenti olmaq istəyən Kamala Harris, yoxsa keçmiş prezident Donald Tramp?
      Demokratlar Partiyasının Sədr Müavini Kamala Harrislə Respublikaçılar Partiyasının sədri Donald Tramp arasındakı yarış tam sürətlə davam edir. Hazırki seçki anketlərinə inansaq, ümumi göstəricidə Harris çox kiçik fərqlə də olsa irəlidədir. Amma bitərəf ştatlardakı vəziyyət çox dəyişkəndir.

     Keçən cümə günü Emerson College-nin hazırladığı sorğu anketinin nəticəsinə görə Harris tərəfdarları sorğu iştirakçılarının 49%-ni təşkil edir ki, Donald Tramp tərəfdarlarının göstəricisi 48% olub.

         Xatırladaq ki, eyni təşkilatın Sentyabrda və Oktyabrın əvvəlində keçirdiyi sorğularda  Kamala Harris  rəqibindən 2, Avqust ayında 4% öndə idi.

         Keçən çərşənbə günü “Fox Nyus” tərəfindən yayımlanan sorğuda  isə Tramp iki faiz fərqilə rəqibindən üstün olub. (Tramp 50%-Harris 48%)
Həmin gün  Marist Kollecinin sorğusunda Harris 52, Tramp  47% səs toplayıb. Economist/YouGov'un sorğusunda isə  Harris 49, Tramp isə 45% səsə sahib olublar.

          Daha əvvəl  Harvard/CAPS-ın təşkil etdiyi sorğuda Harris 51, Tramp isə 49 % səs toplamışdı.

    Bitərəf əyalətlərdə gəlincə, “FiveThirtyEight” təşkilatının keçirdiyi sorğuya görə Miçiqan, Viskonskin və Nevada ştatlarında Harris, Pensilvaniya, Arizona, Şimal Karolina və Corciya ştatlarında isə Tramp üstündür.

        Əgər bu nəticələr özünü seçkilərdə də doğrultsa, Tramp az fərqlə də olsa qalib gələcək. Amma yuxarıda sadalanan 7 ştatda vəziyyət hər an dəyişə bilər.