Bu gün Azərbaycan Prezidenti İlham Əliyev ilə Rusiya Prezidenti Vladimir Putin arasında Moskvada görüş baş tutacaq. Rusiya sülhməramlılarının Qarabağı tərk etməsindən sonra iki ölkə arasındakı danışıqlar diqqəti cəlb edir.

Bəs görəsən görüşdən gözləntilər nələrdir? 

Məsələ ilə bağlı Ednews-a danışan amerikalı siyasi ekspert Piter Teys Azərbaycanla Rusiyanın bundan sonra da uğurlu əməkdaşlıq aparacağına inandığını bildirib:

“Azərbaycanla Rusiya Federasiyası arasında diplomatik dialoqlar son 20 il ərzində olduqca aktiv, dinamik və məhsuldar olub. Hər iki tərəfin uzun sürən səyləri nəticəsində real əməkdaşlıqlar baş tutub. Rusiyanın sülhməramlı qüvvələri Qarabağı tərk etməsi iki ölkənin münasibətlərində uğurlu bir nailiyyət sayılır.

Moskvanın bu qərarı Bakının regionda sülh və əmin-amanlığı qorumaq əzmindən irəli gəlib. Bununla Azərbaycan həm də Avrasiya və eləcə də digər regionlarda geosiyasi aktora çevrildi. 

Rusiya Federasiyası və Azərbaycan bundan sonra da birgə ticarət, iqtisadiyyat və siyasi dialoqlara davam edəcək. Bu, Azərbaycanın siyasi hadisələrdən təsirlənməyərək öz siyasi kursunu təyin etməsindən irəli gəlir”.

Fərid