DİN Xəzər rayonu Türkan qəsəbəsində yaşayan Ataxan İbrahimovun ailə münaqişəsi zəminində atası I qrup əlil Şəmsəddin İbrahimovu döyərək xəsarət yetirməsi ilə bağlı iddialara münasibət bildirib.
Yayılan xəbərə cavab olaraq DİN-in mətbuat xidmətinin əməkdaşı Nurlan Əliyev Ednews-a bildirib ki, hadisə ilə bağlı müvafiq polis orqanında araşdırma aparılıb.
Qeyd edilib ki, tərəflər polis orqanına dəvət olunaraq izahatları alınıb. Araşdırılmalarla görüntülərin 4 ay öncə qeydə alındığı məlum olub.
Şəmsəddin İbrahimov izahatında oğlu tərəfindən döyülmədiyini, ərazidə yerləşən istixanada çalışarkən yıxılaraq xəsarət aldığını bildirib.
Araşdırmalar davam etdirilir.
