İspaniya Ukraynaya 10 ədəd Leopard 2A4 tankı da daxil olmaqla, yeni hərbi yardım göndərib.
Ednews xəbər verir ki, bu barədə Krallığın Müdafiə Nazirliyi məlumat yayıb.
"Alcala de Guadaira'da Santa Barbara Sistemas zavodunda təmir, konfiqurasiya və hazırlıq prosesindən, eləcə də tam funksionallığını yoxlamaq üçün müvafiq sınaqlardan keçmiş 10 ədəd Leopard 2A4 döyüş tankının Ukraynaya multimodal daşınmasına başlanılıb", - deyə departamentin “X” hesabında qeyd edilib.
Qeyd edilib ki, silahlar bu həftə sonu Polşaya çatacaq, bundan sonra Ukrayna Silahlı Qüvvələrinə təhvil veriləcək.
