Türkiyə mətbuatı Suriyanın yeni administrasiyasının lideri Əhməd əl-Şara ilk xarici səfərini Türkiyəyə edəcəyini iddia edir.
"EDnyus" Türkiyə KİV-lərinə istinadən xəbər verir ki, məlumata görə,Əl-Şara bu səfəri Türkiyənin Suriyadakı dəstəyinə təşəkkür etmək üçün “simvolik” bir jest olaraq planlaşdırır. İddiaya görə, səfər zamanı Suriyanın yeni lideri Türkiyə Prezidenti Rəcəb Tayyib Ərdoğanla da görüşəcək.
Bu məsələ ilə bağlı nə Suriyanın yeni administrasiyası, nə Türkiyə Xarici İşlər Nazirliyi, nə də Dezinformasiya ilə Mübarizə Mərkəzi rəsmi açıqlama verib.
Qeyd edək ki, Əhməd əl-Şara Suriyada hakimiyyətə gəldikdən sonra Türkiyə Milli Kəşfiyyat Təşkilatının (MİT) direktoru İbrahim Kalın və Türkiyənin Xarici İşlər Naziri Hakan Fidan Dəməşqdə onunla görüşüb. Nazir Fidan görüş zamanı Suriyanın gələcəyinə ümidlə baxdığını vurğulayıb və Suriyalı qardaşların daha gözəl günlər görəcəyinə inandığını ifadə edib./milliaz
