Amerika İslam Əlaqələri Şurası (CAIR) 2024-cü il hadisələri ilə bağlı hesabatında, keçən ilin anti-İslam fəaliyyətlərə qarşı ən çox şikayət edilən il olduğunu bildirib.

“EDnews” xəbər verir ki, hesabata görə, ümumilikdə 8 658 hal qeydə alınıb.

Məlumatlara əsasən, ən çox şikayətlər işə qəbul zamanı ayrı-seçkiliklə bağlı olub (15,4%), immiqrasiya və sığınacaq məsələləri ilə bağlı şikayətlər isə 14,8%-i təşkil edib.

Təxminən 9,8% şikayət isə müsəlman və fələstinli tələbələrə qarşı ayrı-seçkiliklə bağlı olub, 7,5% isə müsəlmanlar və ərəbərə qarşı nifrət cinayətləri ilə bağlı olub.

Hesabatda vurğulanır ki, 2024-cü ildə bu cür halların kəskin artması əsasən İsrailin Qəzzaya etdiyi hücumlarla bağlı olub.

Bundan əlavə, ABŞ-də bu fon üzrə islamofobiya, ərəbərə qarşı qərəz və antisemitizm səviyyəsinin artdığı qeyd olunur.

CAIR həmçinin 7 oktyabrdan sonra ABŞ universitetlərində İsrailə dəstək verən Amerika siyasətinə qarşı başlayan etirazlara diqqət çəkib.

Hesabatda qeyd edilir ki, hökumət universitetlərə təzyiq göstərib, polis həddindən artıq güc tətbiq edib, tələbələr etiraz aksiyalarına qatıldıqları üçün həbs olunub və ya araşdırmalara məruz qalıb.

CAIR-in məlumatlarına görə, ABŞ-da müsəlmanlara qarşı hücum və ayrı-seçkilik halları keçən il 7,4% artıb.

Hesabatda bildirilir ki, bəzi müəllimlər təzyiqlər səbəbindən vəzifələrini tərk etməyə məcbur olub, etirazlarda iştirak edən tələbələr isə təhdidlərə və araşdırmalara məruz qalıblar.

Bu, söz azadlığına qarşı bir hücum kimi qiymətləndirilir.

2023-cü ilin sonlarından etibarən ABŞ-da baş verən narahatedici hadisələr arasında Texasda üç yaşlı fələstinli mənşəli qızın boğulmağa cəhd edilməsi və Nyu-Yorkda bir müsəlmanın döyülməsi yer alıb.