İraq Kürd Regional Rəhbərliyinin (KRG) Terrorla Mübarizə İdarəsi rəsmi Facebook hesabında məsələ ilə bağlı açıqlama yayıb.

Ednews sozcu.com-a  istinadən xəbər verir ki, açıqlamada qeyri-qanuni silahlı birləşmələr tərəfindən həyata keçirilən və Ərbil Beynəlxalq Hava Limanı yaxınlığındakı koalisiya bazasını hədəf alan bomba yüklü PUA-nın yerli vaxtla saat 21.07-də ​​vurulduğu bildirilib.

İraqda İran tərəfdarı olan şiə milislərin də daxil olduğu “İraq İslami Müqaviməti” adlı qrup “Qəzzada hücumlara cavab olaraq” ABŞ və koalisiya qüvvələrinin yerləşdiyi bazalara tez-tez hücum etdiyini elan edir.

Bu çərçivədə Ənbardakı Ayn əl-Əsəd hərbi bazası, Ərbildəki Harir hərbi hava bazası, Bağdaddakı Zəfər hərbi bazası və Ərbil Beynəlxalq Hava Limanı yaxınlığındakı ABŞ bazası dəfələrlə bomba yüklü PUA-larla hədəfə alınıb.

İran İnqilab Keşikçiləri Ordusunun yanvarın 15-nə keçən gecə Ərbildə bir çox mülki yaşayış məntəqəsinə çoxlu ballistik raketlərlə həyata keçirdiyi hücumlarda 4 mülki vətəndaşın öldüyü, 6 nəfərin yaralandığı IKBY Təhlükəsizlik Şurası məlumat verib

Xəyal Ramiz