Ölkəmizdə yeni sığorta növü tətbiq olunacaq. Belə ki, yaxın gələcəkdə istehlak kreditləri sığortalanacaq. Bunun da faydası odur ki, istehlak krediti götürmüş şəxs dünyasını dəyişərsə və yaxud əmək qabiliyyətini itirərsə, o zaman onun bank qarşısında öhdəliyini sığorta şirkəti qarşılayacaq.

Bu qərar insanların kreditlərə marağını artıracaq?

Mövzu ilə bağlı Ednews-a açıqlama verən iqtisadi ekspert Ruslan Atakişiyev bildirib ki, istehlak kreditlərinin sığortalanması əhali arasında kreditləşməyə marağı artıra bilər:

“Ümumiyyətə Azərbaycanda istehlak kreditləri digər kredit növləri arasında mühim yerə sahibdir. Əvvəlki illəri nəzərə aldıqda bu 35-40% ətrafında dəyişir. Əslində son dövrlərdə əhalinin kreditləşməsində Mərkəzi Bankın təlimatları əsasında müəyyən bir sərtləşmə həyata keçirilirdi. Sadəcə olaraq, əhalinin müəyyən hissəsi istehlak kreditlərindən istifadə edərkən burada müəyyən risklər yaranır. Təbii ki, bu risklərdən biri də məhz ödənilmə əməliyyatının növbəti şəxslərə ötürülməsidir. 

Bu o deməkdir ki, şəxs ya vəfat edir, ya da ödəmə qabiliyyətini itirir. Ona görə də, bu şəxslər istehlak krediti aldıqları zaman, onun ödənilməsində problemlər yaranır. Bu baxımdan məhz həmin kreditlərin sığortalanması götürülən kreditlərlə bağlı əlavə sığorta xəclərinin yaranmasına da gətirib çıxarır. Amma, bununla yanaşı sığorta şirkəti şəxsin ödəniş edə bilmədiyi halda onun yerinə ödəniş etmək məsuliyyəti daşıyır. 

Qeyd edək ki, bu hal əhali üzərində yaranmış öhdəliyin risklərinin azaldılması baxımından vacibdir. Təbii ki, bu qanun öz növbəsində əhali arasında istehlak kreditlərinə marağın artmasına da gətirib çıxara bilər.”

Fərid