Hər il 30 iyun Azərbaycanda Milli Sevgililər Günü kimi qeyd olunur.
EDnews xəbər verir ki, bu günün tarixi 1990-cı il 20 Yanvar faciəsi zamanı şəhid olan İlham Allahverdiyev və onun ölümünə dözməyərək həyatına son qoyan həyat yoldaşı Fərizə Allahverdiyevanın toy günü ilə bağlıdır.
İlham və Fərizənin sevgisi illərdir Azərbaycanda sədaqət, fədakarlıq və əbədi məhəbbətin rəmzi kimi xatırlanır.
Məhz bu səbəbdən 30 iyun ölkədə rəsmi bayram olmasa da, cəmiyyət tərəfindən Milli Sevgililər Günü kimi qeyd edilir.







